Rydyn ni’n chwarae rôl unigryw mewn gwneud i hyn ddigwydd – drwy ein gwasanaethau ein hunain, gweithio mewn partneriaeth gyda chyrff eraill a dylanwadu ar bolisi.
Cyflwyno llais pobl gydag anabledd dysgu a’u teuluoedd sydd yn gryfach ac yn fwy gwybodus drwy ddarparu gwasanaeth gwybodaeth hygyrch a dwyieithog.
Creu gweithlu medrus a gwybodus drwy ddarparu rhaglen hyfforddi a digwyddiadau cynhwysfawr.
Sicrhau bod modelau gwasanaeth newydd neu well yn cael eu cyflwyno i bobl gydag anabledd dysgu.
Sicrhau bod lleisiau pobl gydag anabledd dysgu yn cael eu clywed a bod ymateb i’r lleisiau hynny.
“Rydym eisiau i Gymru fod y wlad orau yn y byd i bobl gydag anabledd i fyw, dysgu a gweithio ynddi.”
Yn 2019, lansiodd Anabledd Dysgu Cymru ei gynllun strategol 5 mlynedd (PDF). Roedd hyn yn seiliedig ar y gwerthoedd a fabwysiadwyd yn ôl yn 2010 yn ein ‘Datganiad o Hawliau a Gwerthoedd Allweddol’ (PDF) i blant, pobl ifanc ac oedolion gydag anabledd dysgu, a luniwyd gan farn ein haelodau. Disgwylir i’n holl aelodau gefnogi’r datganiad a’n gwerthoedd.
Rydym yn credu bod gennych fel plentyn, person ifanc neu oedolyn gydag anabledd dysgu yr hawl i:
Ategir y gwerthoedd yma gan Gonfensiwn a Datganiad y CU ar Hawliau’r Plentyn (Saesneg yn unig), Gonfensiwn y Cenhedloedd Unedig ar Hawliau Pobl ag Anableddau (Saesneg yn unig) a’r Confensiwn Ewropeaidd ar Hawliau Dynol (Saesneg yn unig).
Ein nodau ydy cefnogi ein gweledigaeth o Gymru yn dod y wlad orau yn y byd i bobl gydag anabledd dysgu i fyw, dysgu a gweithio ynddi:
Rydyn ni’n derbyn cyllid o ffynonellau amrywiol i redeg nifer o brosiectau i wella bywydau plant, pobl ifanc ac oedolion gydag anabledd dysgu.
Mae Anabledd Dysgu Cymru yn elusen (rhif cofrestru1062858) ac yn gwmni cyfyngedig gan warant (rhif cofrestru 02326324).
Rydyn ni’n cael ein llywodraethu gan fwrdd o ymddiriedolwyr, sydd yn gyfrifol am reolaeth Anabledd Dysgu Cymru ac sydd yn nodi ein cyfeiriad strategol.
Rydyn ni’n ymdrechu yn barhaus i gael bwrdd o ymddiriedolwyr amrywiol sydd yn cynnwys ein haelodau, pobl gydag anabledd dysgu a’r gymdeithas ehangach yn gyffredinol gyda diddordeb yn ein gwaith, i reoli Anabledd Dysgu Cymru a’n helpu i gyflawni ein cenhadaeth.
Mae’r bwrdd ymddiriedolwyr yn cyfarfod bedair gwaith y flwyddyn. Mae cyfarfodydd yn gymysgedd o gyfarfodydd wyneb yn wyneb a chynadleddau fideo. Mae’r papurau yn cael eu paratoi mewn Saesneg Clir ac mae cyfarfodydd yn cael eu cynnal mewn dull hygyrch fel bod ein hymddiriedolwyr yn gallu cymryd rhan yn llawn.
Mae’r Ymddiriedolwyr yn dirprwyo materion ariannol a chyflogaeth i’r Is-Grŵp Cyllid sy’n goruchwylio ein cyllid ac i’r Is-Grŵp Adnoddau Dynol sy’n monitro ein perfformiad AD ac yn sicrhau cydymffurfiad. Mae’r ddau is-grwpiau yn adrodd i Fwrdd yr Ymddiriedolwyr ac yn gwneud argymhellion iddo fe.
Mae’r ymddiriedolwyr yn dirprwyo’r gwaith o redeg Anabledd Dysgu Cymru o ddydd i ddydd i’r tîm o staff cyflogedig. Mae’r gwahaniaeth rhwng cyfrifoldeb y staff cyflogedig a’r ymddiriedolwr wedi’i nodi yn ein rhestr o awdurdod dirprwyedig y mae’r ymddirideolwyr yn ei adolygu’n flynyddol.
Am ragor o wybodaeth am sut rydyn ni’n cael ein rhedeg a’n bwrdd ymddiriedolwyr, cysylltwch â Joanne Moore: ffôn 029 2068 1168, e-bost joanne.moore@ldw.org.uk.
Mae Anabledd Dysgu Cymru yn hyrwyddo hawl pobl gydag anabledd dysgu i brofi bywyd llawn, ysgogol ac annibynnol amrywiol a mwynhau holl fanteision a chyfrifoldebau bod yn ddinesydd. Rydyn ni’n gweithio i sicrhau bod lleisiau plant, pobl ifanc ac oedolion gydag anabledd dysgu yn cael eu clywed ac yn derbyn gwrandawiad.
Rydyn ni wedi gweithredu fel eiriolydd, arloeswr, rhwydeithiwr, perswadiwr a gwarchodwr ers ein creu ym 1983, fel Cynhadledd Sefydlog Cyrff Gwirfoddol i bobl gydag anfantais meddyliol yng Nghymru (SCOVO).
Cawsom ein creu ar yr un pryd âg yr oedd y Strategaeth Cymru Gyfan (PDF, Saesneg yn unig) arloesol yn cael ei ysgrifennu. Ym 1983, roedd cyfuniad o fynediad cyfyngedig iawn i addysg, cyfres o sgandalau camdriniaeth mewn ysbytai arhosiad hir ac absenoldeb bron yn llwyr o unrhyw wasanaethau yn y gymuned i gefnogi pobl gydag anabledd dysgu a’u gofalwyr wedi argyhoeddi gweision sifil yn y Swyddfa Gymreig bod angen gweithredu radical.
Gan weithio gyda grŵp bychan o ymgyrchwyr ymroddedig, cyhoeddodd Ysgrifennydd Gwladol Cymru Strategaeth Cymru Gyfan.
Roedd y Strategaeth yn golygu gwneud newidiadau enfawr oedd i gael effaith chwyldroadol nad oedd ei debyg yn Ewrop. Cyflwynwyd tair egwyddor syml.
Mae gan bobl gydag anabledd dysgu yr hawl i:
Roedd y grŵp bychan o ymgyrchwyr oedd yn ddylanwadol wrth bwyso dros yr achos am strategaeth yn cydnabod yr angen i ddatblygu trydydd sector bywiog oedd â llais cryf ar lefel cenedlaethol. Roedden nhw o’r farn y byddai yn gweithredu fel catalydd ar gyfer newid ac yn sicrhau bod egwyddorion y strategaeth yn cael eu trosi yn weithredoedd.
Credwn bod gan y trydydd sector gyfraniad pwysig i’w wneud. Mae’n gallu chwarae rhan hanfodol mewn helpu pobl gydag anabledd dysgu i siarad i fyny, mewn hyrwyddo hawliau gofalwyr teulu a darparu gwasanaethau creadigol, arloesol ac ymatebol.
Yn dilyn trafodaeth gyda’n haelodau, fe newidiwyd ein henw ym 1993 i Gynhadledd Sefydog Cyrff Gwirfoddol i bobl gydag anabledd dysgu yng Nghymru (SCOVO).
Yna, yn 2005 cawsom deitl a brand newydd oedd yn haws ei ddefnyddio, ‘Anabledd Dysgu Cymru’.
Rydyn ni wedi parhau yn dryw i’n pwrpas gwreiddiol ac yn parhau i weithredu fel llais cryf ar ran ein haelodau.
Rydym yn gweithio mewn partneriaeth â’r bobl a sefydliadau canlynol:
>
