Cymuned Ymarfer Technoleg Bersonol Cymru Gyfan

Technoleg bersonol (PT) yw unrhyw eitem, darn o gyfarpar neu gynnyrch sy’n cael ei ddefnyddio gan berson anabl i gynnal neu wella ei annibyniaeth ac ansawdd ei fywyd.

Mae’r term ‘Technoleg bersonol’ wedi cael ei ddefnyddio mewn disgrifiad o ‘Dechnoleg sy’n Canolbwyntio ar y Person’ (PCT) neu ‘Dechnoleg Gynorthwyol’ (AT), ‘Technoleg Gynorthwyol Electronig’ (EAT), a ‘Gofal wedi’i Alluogi gan Dechnoleg’ (TEC). Mae hefyd yn cynnwys technoleg prif ffrwd sy’n cael ei ddefnyddio bob dydd gan y boblogaeth gyffredinol, mae modd ei gaffael yn fasnachol, ei addasu, ei newid neu ei ragnodi gan ofal iechyd a/neu ofal cymdeithasol.

Ym mis Awst 2017 fe wnaethom ddechrau hwyluso cyfarfodydd rhwng sefydliadau â diddordeb i archwilio pa waith y gallwn ei wneud gyda’n gilydd i hyrwyddo’r defnydd o dechnoleg bersonol i bobl ag anabledd dysgu. Yn y cyfnod hwn rydym wedi:

• Nodi’r rhwystrau sy’n atal pobl rhag gallu cael a defnyddio technoleg bersonol.

• ysgrifennu Fframwaith Moesegol.

• ysgrifennu papur Saesneg Plaen yn disgrifio technoleg bersonol yn bedwar maes: byw bywyd iach a diogel; Cadw mewn cysylltiad ag eraill; O gwmpas eich cartref ac i gyfathrebu’n well.

• casglu a rhannu straeon am arferion da ac wedi dechrau ‘mapio’ yr hyn mae pobl yn ei ddefnyddio.

• hyrwyddo technoleg bersonol yn ein cynhadledd flynyddol yn 2018 a chynnal digwyddiad ym mis Gorffennaf eleni ‘Cymorth i Fyw yn yr 21ain Ganrif’ a oedd yn archwilio sut yr oedd 3 sefydliad yn mynd i’r afael ag integreiddio technoleg ym mywydau beunyddiol a chefnogaeth i’r bobl maen nhw’n gweithio gyda nhw.