{"id":15205,"date":"2020-06-16T12:20:22","date_gmt":"2020-06-16T11:20:22","guid":{"rendered":"https:\/\/www.ldw.org.uk\/keeping-people-digitally-connected-during-covid-19\/"},"modified":"2020-06-18T12:37:55","modified_gmt":"2020-06-18T11:37:55","slug":"keeping-people-digitally-connected-during-covid-19","status":"publish","type":"post","link":"https:\/\/www.ldw.org.uk\/cy\/keeping-people-digitally-connected-during-covid-19\/","title":{"rendered":"Sut mae pobl yn cadw cysylltiad digidol yn ystod Covid 19?"},"content":{"rendered":"

Pan ddechreuodd cyfyngiadau symud Covid 19 ym mis Mawrth yng Nghymru eleni roedd llawer o bobl yn poeni am beidio \u00e2 gallu siarad a chysylltu \u00e2 phobl eraill yn y ffyrdd roedden ni’n gyfarwydd \u00e2 nhw, o ran eu gwaith a’u bywyd personol.<\/strong><\/p>\n

Allg\u00e1u digidol <\/strong><\/h3>\n

Roedd y pryderon hyn yn arbennig o gryf ar gyfer pobl ag anabledd dysgu sydd eisoes yn profi mwy o ynysu. Gyda\u2019n gyda’n gwaith a’n cyfathrebu yn mynd ar-lein ychwanegir at bryderon am allg\u00e1u digidol pobl ag anabledd dysgu.<\/p>\n

Roedd y pryderon yn ymwneud \u00e2 mwy na’r dechnoleg, sut i’w chael a sut i’w defnyddio, ond hefyd yn ymwneud \u00e2 sut y gallwn ddefnyddio technoleg i ymateb i wahanol anghenion a dewisiadau o ran cyfathrebu. Fe wnaethon ni sylweddoli bod angen i ni ymateb yn gyflym a chysylltu \u00e2’n haelodau i ganfod rhai o’r problemau a dysgu oddi wrth y naill a\u2019r llall.<\/p>\n

Fe wnaethom sefydlu tudalen adnoddau ar gyfer pobl ag anabledd dysgu a’u cefnogwyr<\/a> sy’n cynnwys canllawiau hawdd eu deall i dechnoleg a chadw mewn cysylltiad ar-lein. Rydym hefyd wedi creu cyfarwyddiadau hawdd eu deall ar gyfer defnyddio Zoom .<\/p>\n

Rhannu profiadau<\/strong><\/h3>\n

Daeth Cymuned ymarfer Technoleg Bersonol Cymru Gyfan Anabledd Dysgu Cymru at ei gilydd ar-lein gan ddefnyddio Zoom ar 20 Mai 2020.\u00a0 Daeth dros 20 o bobl a sefydliadau ar-lein i edrych ar yr hyn sy’n digwydd, beth sy’n gweithio, beth sydd ddim yn gweithio a ble rydyn ni’n mynd o\u2019r fan hyn. Clywsom gan grwpiau hunan eiriolaeth, pobl ag anabledd dysgu, darparwyr tai \u00e2 chymorth, gwasanaethau iechyd a gwasanaethau cymdeithasol. Aeth y cyfarfod yn dda ond wrth gwrs roedd problemau yn ymwneud \u00e2 chysylltiad \u00e2’r rhyngrwyd i rai pobl!<\/p>\n

Y newyddion da<\/strong><\/h3>\n

Y newyddion da yw ei bod yn ymddangos bod sefydliadau a phobl ar draws Cymru wedi wynebu’r her gyda brwdfrydedd. Nid yw wedi bod yn hawdd ond nid yw hynny wedi troi pobl i ffwrdd o weithio’n galed i gwrdd \u00e2 phobl a’u cefnogi mewn ffyrdd newydd gan ddefnyddio amrywiaeth o wasanaethau cynadledda fideo a gwasanaethau sgwrsio ar-lein yn bennaf.<\/p>\n

Rydym wedi clywed bod cael ein gorfodi i weithio yn y ffordd hon wedi datgelu bod rhai pobl yn ffafrio’r dulliau hyn, felly mae cyfathrebu wedi gwella.\u00a0 Mae hwn yn un o’r ymylon arian y mae nifer o sefydliadau am barhau ag ef unwaith y bydd y cyfyngiadau symud wedi dod i ben.<\/p>\n

Y newyddion drwg<\/strong><\/h3>\n

Fodd bynnag, mae pryderon cryf bod rhai pobl ag anabledd dysgu yn cael eu gadael ar \u00f4l a’u hallg\u00e1u, ac mae nifer o resymau dros hyn.<\/p>\n

Yn gyntaf, mae\u2019r bobl angen y dechnoleg yn eu dwylo, felly mae pobl angen yr arian i’w brynu eu hunain neu ddarparwr cymorth sy’n fodlon ei ddarparu.<\/p>\n

Pan fydd gennych chi\u2019r dechnoleg mynd ar y rhyngrwyd yw’r rhwystr nesaf.\u00a0 Mae’n destun pryder ein bod yn dal i glywed hanesion rhai darparwyr gwasanaeth yn cadw pobl oddi ar lein yn fwriadol, yn bennaf oherwydd amharodrwydd i ymdrin \u00e2 risg mewn ffordd sy’n canolbwyntio ar yr unigolyn neu oherwydd nad yw’r staff yn meddwl yn dechnolegol eu hunain.\u00a0 Yn y b\u00f4n, mae hyn yn gwadu hawliau dynol unigolyn. Mae’n ymddangos bod y rhan fwyaf o ddarparwyr gwasanaethau yn gwneud y peth iawn ond yn dal i wynebu problemau gyda chysylltiadau gwael \u00e2’r cartref ac eiddo. Rydym wedi clywed rhai straeon lle mae’r teulu wedi stopio’r person ag anabledd dysgu rhag defnyddio llwyfannau ar-lein, hefyd oherwydd eu bod yn poeni am fod yn ddiogel ar-lein.<\/p>\n

Y mater nesaf mae pob un ohonom wedi gorfod delio ag ef yw dysgu sut i ddefnyddio’r dechnoleg.\u00a0 Gydag ychydig fisoedd o rybudd, gallen ni fod wedi eistedd gyda’n hanwyliaid, y bobl rydyn ni’n eu cefnogi a’n cydweithwyr i addysgu a dysgu oddi wrth ein gilydd yn y ffyrdd rydyn ni wedi arfer \u00e2 nhw.\u00a0 Ond, daeth cyfyngiadau symud Covid 19 yn gyflym felly mae cefnogi pobl i ddefnyddio’r dechnoleg o bell wedi bod yn broblem, ac yn broblem o hyd.<\/p>\n

Beth mae pobl yn ei ddefnyddio<\/strong><\/h3>\n

O’r holl dechnoleg y dywedodd pobl wrthym eu bod yn defnyddio, roedd y\u00a0 mwyafrif helaeth yn dechnolegau prif ffrwd oedd yn bodoli eisoes Zoom, WhatsApp, Facebook, Skype, Microsoft teams ac ati.\u00a0 Roedd cwmn\u00efau telathrebu wedi cysylltu \u00e2 rhai sefydliadau gan gynnig cymorth ac ar gyfer un sefydliad, fe wnaethon nhw flaenoriaethu’r gwaith o gyflwyno eu ap cyfryngau cymdeithasol personol eu hunain ar gyfer y bobl maen nhw\u2019n cefnogi.<\/p>\n

Beth wnaethon ni ei ddysgu?<\/strong><\/h3>\n

Felly beth wnaethon ni ei ddysgu yn gryno?<\/p>\n