{"id":34488,"date":"2023-02-15T15:21:40","date_gmt":"2023-02-15T15:21:40","guid":{"rendered":"https:\/\/www.ldw.org.uk\/?p=34488"},"modified":"2023-03-21T12:31:08","modified_gmt":"2023-03-21T12:31:08","slug":"prosect-newydd-yn-anelu-at-ddeall-barn-am-frechlynnau-ymysg-pobl-gydag-anabledd-dysgu","status":"publish","type":"post","link":"https:\/\/www.ldw.org.uk\/cy\/prosect-newydd-yn-anelu-at-ddeall-barn-am-frechlynnau-ymysg-pobl-gydag-anabledd-dysgu\/","title":{"rendered":"Prosect newydd yn anelu at ddeall barn am frechlynnau ymysg pobl gydag anabledd dysgu"},"content":{"rendered":"

\"AMae Anabledd Dysgu Cymru ac Iechyd Cyhoeddus Cymru yn lansio prosiect gwybodaeth newydd hygyrch gyda\u2019r nod o wella dealltwriaeth pobl gydag anabledd dysgu o frechu a brechlynnau.
\n<\/strong><\/p>\n

Fe fydd y Prosiect Gwybodaeth am Frechu<\/a> yn delio gyda chamwybodaeth am frechlynnau, yn delio gyda phryderon ac yn hyrwyddo debryniad brechlynnau ymysg pobl gydag anabledd dysgu.<\/p>\n

Lawrlwythwch neu darllenwch y daflen ffeithiau hawdd ei deall am y prosiect yma (PDF)<\/a><\/p>\n

Fe fydd cyfres o grwpiau ffocws ar-lein ac wyneb yn wyneb ledled Cymru, ynghyd ag arolwg hawdd ei ddeall ar-lein, yn cyfleu barn pobl gydag anabledd dysgu. Yn y cyfamser, bydd rhieni, gofalwyr di-d\u00e2l a gweithwyr proffesiynol yn cymryd rhan mewn cyfweliad 1 i 1.<\/p>\n

Fe fydd gwybodaeth sy’n cael ei chasglu yn cael ei defnyddio i gydgynhyrchu adnoddau gwybodaeth am frechu er mwyn diwallu anghenion pobl ag anabledd dysgu yn well, eu teuluoedd a’u gofalwyr.<\/p>\n

Atal heintiau anadlol<\/strong><\/h3>\n

Dywedodd Paula Phillips, Uwch Reolwraig Gwella Cymru, Iechyd Cyhoeddus Cymru:<\/p>\n

“Mae gan bobl sydd ag anabledd dysgu fwy o anghenion iechyd ac maen nhw’n marw yn iau na’r boblogaeth yn gyffredinol. Amcangyfrifir mai oedran cyfartalog marwolaethau pobl ag anabledd dysgu yw 23 mlynedd yn iau i ddynion, a 27 mlynedd yn iau i fenywod, o’i gymharu \u00e2’r boblogaeth gyffredinol, gyda chyflyrau anadlol yr achos mwyaf sylweddol.<\/p>\n

“Felly mae atal heintiau anadlol, fel ffliw a COVID-19, trwy frechu yn arbennig o bwysig i bobl ag anabledd dysgu.”<\/p>\n

Mae gwybodaeth hygyrch yn hanfodol i helpu pobl ag anabledd dysgu i ddeall a gwneud dewisiadau gwybodus am eu bywydau. Er mwyn helpu pobl ag anabledd dysgu (a’u rhieni\/gofalwyr) i wneud penderfyniadau gwybodus am frechlynnau, fe fydd y prosiect yn darparu gwybodaeth berthnasol ac ar sail tystiolaeth sy’n mynd i’r afael \u00e2’u pryderon. Bydd y wybodaeth hon mewn fformat hygyrch sy’n diwallu eu hanghenion.<\/p>\n

Dywedodd Dr Christopher Johnson, Epidemiolegydd Ymgynghorol a Phennaeth Dros Dro Rhaglen Clefydau y Gellir eu Hatal Iechyd Cyhoeddus Cymru:<\/p>\n

“Rydyn ni’n gwybod mai brechlynnau yw’r ffordd orau o amddiffyn rhag clefydau difrifol. Trwy’r prosiect hwn, rydym am ddarganfod beth mae pobl ag anabledd dysgu eisiau ei wybod am frechu a sut yr hoffent gael y wybodaeth hon.<\/p>\n

\u201cMae’n bwysig bod pawb yn cael eu gwybodaeth am frechlynnau o ffynhonnell ddibynadwy er mwyn iddyn nhw wneud dewis gwybodus. Ein gobaith trwy weithio gydag Anabledd Dysgu Cymru yw y gallwn gefnogi pobl ag anabledd dysgu i gael gafael ar wybodaeth wedi’i theilwra a dibynadwy am frechu sy’n eu galluogi i wneud hyn.”<\/p>\n

Bydd gr\u0175p llywio, sy’n cynnwys pobl ag anabledd dysgu, staff o Anabledd Dysgu Cymru ac Iechyd Cyhoeddus Cymru, ymchwilwyr, a gweithwyr proffesiynol eraill sy’n gweithio gyda phobl ag anabledd dysgu, yn helpu i oruchwylio gwaith y prosiect.<\/p>\n

Sut y gallwch chi gymryd rhan<\/strong><\/h3>\n

Rydym yn chwilio am:<\/strong><\/p>\n