{"id":9366,"date":"2019-09-18T14:33:22","date_gmt":"2019-09-18T13:33:22","guid":{"rendered":"https:\/\/www.ldw.org.uk\/?p=9366"},"modified":"2019-09-24T10:15:32","modified_gmt":"2019-09-24T09:15:32","slug":"anabledd-dysgu-cymru-yn-rhydddhau-geiriadur-am-ddim-o-ddiffiniadau-hawdd-eu-deall","status":"publish","type":"post","link":"https:\/\/www.ldw.org.uk\/cy\/anabledd-dysgu-cymru-yn-rhydddhau-geiriadur-am-ddim-o-ddiffiniadau-hawdd-eu-deall\/","title":{"rendered":"Anabledd Dysgu Cymru yn rhydddhau geiriadur am ddim o ddiffiniadau hawdd eu deall"},"content":{"rendered":"

Fel rhan o\u2019n hymrwymiad i gynyddu mynediad pobl gydag anabledd dysgu i wybodaeth hygyrch o ansawdd uchel, mae Anabledd Dysgu Cymru yn darparu ein geiriadur o ddiffiniadau hawdd eu deall am ddim i bawb sydd yn cynhyrchu gwybodaeth hawdd ei deall.<\/strong><\/p>\n

Mae ein geiriadur o ddiffiniadau hawdd eu deall<\/a> yn adnawdd hanfodol y mae ein t\u00eem Hawdd ei Ddeall Cymru<\/a> wedi ei adeiladu dros y 17 mlynedd y mae Anabledd Dysgu Cymru wedi bod yn cynhyrchu gwybodaeth hygyrch.<\/p>\n

Yr hawl i wybodaeth y gallwch ei deall<\/h3>\n

Ni ddylai pobl gael eu heithrio rhag gwneud dewisiadau annibynnol a gwybodus am eu bywyd oherwydd bod rhai pynciau a thermau yn anodd i\u2019w deall. Ac mae gan bawb yr hawl i gael gwybodaeth y maen nhw\u2019n gallu ei deall i\u2019w galluogi i siarad am y pethau sydd yn bwysig iddyn nhw, cymryd rhan mewn cymdeithas a bod yn aelodau gwerthfawr o\u2019u cymunedau.<\/p>\n

Ond mae\u2019n gallu bod yn her i esbonio pynciau a geiriau anodd. Mae\u2019r geiriadur yn rhan hanfodol o waith ein t\u00eem Hawdd ei Ddeall Cymru, ac mae\u2019n sicrhau bod y gwaith hawdd ei ddeall a gynhyrchwn ar gyfer ein cleientiaid \u2013 fel Llywodraeth Cymru, awdurdodau lleol, cyrff eraill i bobl anabl a\u2019r sector preifat \u2013 yn gyson gyda\u2019i gilydd\u00a0 .<\/p>\n

Mae\u2019r geiriadur yn rhestr o A i Z o\u2019r holl ddiffiniadau rydyn ni wedi bod yn eu defnyddio dros y blynyddoedd i esbonio geiriau a thermau anodd sydd yn bwysig i\u2019w gwybod ac na ellir eu hosgoi. Rydyn ni\u2019n gobeithoo y bydd yr adnawdd newydd yma o ddefnydd i chi a hoffem glywed am unrhyw ychwanegiadau neu awgrymiadau sydd gennych i\u2019w wella.<\/p>\n

Mae\u2019r geiriadur yn esblygu yn gyson, wrth i eiriau ac ymadroddion newydd gael eu hychwanegu, a diffiniadau blaenorol yn cael eu gwella. Dyma ein fersiwn diweddaraf ac fe fyddwn yn diweddaru\u2019r geiriadur am ddim bob blwyddyn.<\/p>\n

Ar hyn o bryd, dim ond yn Saesneg mae\u2019r geiriadur ar gael. Rydyn ni\u2019n bwriadu darparu ein geiriadur hawdd ei ddeall Cymraeg cyn gynted \u00e2 phosibl.<\/p>\n

Lawrlwythwch ein Geiriadur Diffiniadau Hawdd eu Deall yma.<\/a><\/p>\n

Os hoffech ddysgu rhagor am sut y gallwn eich cefnogi i wneud eich gwybodaeth yn fwy hygyrch, boed drwy hyfforddiant, drwy ein gwasanaeth hawdd ei ddeall neu gyda chyngor, cysylltwch gyda ni os gwelwch yn dda: ff\u00f4n 029 20 68 1160, neu e-bost Easyread@ldw.org.uk<\/a>. Gallwch hefyd ein dilyn ar Twitter yn @EasyReadWales<\/a>.<\/p>\n

Adnoddau hawdd eu deall a hyfforddiant sydd ar gael gan Anabledd Dysgu Cymru <\/strong><\/h3>\n

Hawdd ei Ddeall Cymru ydy ein gwasanaeth gwybodaeth hygyrch<\/a>, ac mae\u2019n darparu gwybodaeth hawdd ei deall, hyfforddiant, cyngor ac ymgynghoriaeth i helpu cyrff wneud eu gwybodaeth yn fwy hygyrch.<\/p>\n

Yn ogystal \u00e2\u2019n geiriadur newydd o ddiffiniadau hawdd eu deall, mae gennym nifer o adnoddau eraill am ddim i\u2019ch helpu i gynhyrchu gwybodaeth hygyrch o ansawdd uchel i bobl gydag anabledd dysgu.<\/p>\n

Ein hyfforddiant hawdd ei ddeall<\/h3>\n

Rydyn ni\u2019n cynnig dwy lefel o hyfforddiant hawdd ei ddeall:<\/p>\n