Engage to Change – Cyflogi pobl ag anableddau dysgu ac awtistiaeth Hawdd ei Ddeall
Ebrill 2025 | Adroddiad am yr hyn y mae cyflogwyr yn ei feddwl.
Roeddem yn falch o weithio gyda’r prosiect Engage to Change i greu fersiwn Hawdd ei Ddeall o’u hadroddiad adborth cyflogwyr.
Mae’r adroddiad hwn yn rhannu’r hyn a ddywedodd cyflogwyr am logi pobl ifanc ag anableddau dysgu ac awtistiaeth trwy Engage to Change.
Gwnaeth y prosiect Engage to Change waith ardderchog wrth helpu pobl ifanc ag anableddau dysgu a phobl awtistig i ddod o hyd i’w lle ym myd gwaith.
Cefnogodd y prosiect dros 1,300 o bobl ifanc ac 800 o gyflogwyr gan ddefnyddio hyfforddwyr swyddi. Dangosodd adborth gan 277 o gyflogwyr foddhad uchel, yn enwedig gyda chadw amser, dibynadwyedd ac ymddygiad yn y gweithle.
Mae’r adroddiad yn ymdrin â’r hyn ddylai ddigwydd nesaf. Mae’n tynnu sylw at fanteision cyflogaeth â chymorth, gan gynnwys cymorth wedi’i deilwra a pharu swyddi. Mae’n galw am fwy o hyfforddi swyddi, hyfforddiant, lleoliadau â thâl, a chefnogaeth mewn ardaloedd gwledig.
Mae’n argymell bod cyflogwyr, ysgolion, a’r llywodraeth yn gweithio gyda’i gilydd i greu gweithleoedd mwy cynhwysol a chyfleoedd gwaith hirdymor.
Gwnaeth y prosiect hwn wahaniaeth gwirioneddol. Mae bellach wedi dod i ben, ond mae’r canlyniadau’n dangos pa mor bwysig yw cyflogaeth â chymorth i bobl ag anableddau dysgu a phobl awtistig. Gall y gefnogaeth gywir agor drysau, newid bywydau, a helpu i adeiladu byd caredig, mwy cynhwysol i bawb.
Gwnaethom hefyd fersiwn Saesneg o’r adroddiad yn hawdd ei ddeall. Mae’r ddwy fersiwn yn hygyrch yn ddigidol ar gyfer darllenwyr sgrin a thechnoleg gynorthwyol.
Pwyswch y botwm lawrlwytho coch i gael PDF hygyrch o’r adroddiad Hawdd ei Ddeall.
Am ragor o wybodaeth, ewch i’r dudalen we Engage to Change yma.
Cysylltwch â ni os hoffech wybod mwy am unrhyw un o’n gwasanaethau: easyread@ldw.org.uk.
Gallwch weld ein holl waith diweddar yma.
>
>
