Enillwyr cystadleuaeth ffoto 2019

Yr ail ffotograffydd

Llun o briodas rwyf wedi ei gwneud ydy fy ffotograff. Penderfynais ddefnyddio hwn oherwydd fy mod yn caru ffotograffiaeth a phan rydw i’n dal camera rydw i’n teimlo fy mod yn rhan o’r briodas wrth i bawb ddod ata’i a siarad gyda mi dim ond oherwydd fy mod yn dal camera ac rydw i’n caru hynny. Efallai fy mod yn edrych fel person normal yn dal camera. Ond a dweud y gwir, dydw i ddim mor normal. Mae gennyf ADHD a Chromosom. Felly gyda’r rhain mae gennyf anawsterau dysgu ac rydw i’n poeni am lawer o bethau. Ac yn poeni am fy holl broblemau. Ond pan rydw i’n dal y camera rydw i’n anghofio am bopeth. Rydw i’n cael tawelwch meddwl. Mae fy mhryderon yn diflannu. Fe wnes ddechrau ffotograffiaeth drwy fodelu fel clown i glwb ffotograffiaeth ar adeg Calan Gaeaf. Ac roeddwn i’n meddwl bod tynnu lluniau yn beth eithaf da, felly roeddwn i eisiau bod yn rhan o hynny. Ac ers hynny dyma fy hoff ddiddordeb. Fi oedd yr ail ffotograffydd ar gyfer y briodas yma.

Adeiladu’r dyfodol

Dyma ffotograff o ddau o fy ffrindiau yn edrych ar waith adnewyddu Canolfan Gymunedol Dyfodol Mencap yng Nghas-gwent, y gwnaethon ni dderbyn cyllid gan y Loteri ar ei gyfer. Fe wnes i dynnu’r llun yma oherwydd mae gennyf obaith am y dyfodol yn ein lle newydd. Mae’n golygu y bydd gennym fwy o ofod a gweithgareddau i’w defnyddio gan ein gwasanaeth a’n cymuned.

Criw y cinio ysgafn

Fe wnes i dynnu’r llun yma o rhai o’r bobl leol yn mwynhau’r bwyd rydw i’n ei baratoi ac yn ei weini mewn canolfan gymunedol leol, ar gyfer Cinio Ysgafn Mencap Cas-gwent. Mae’r ffotograff yma yn fy ngwneud yn hapus ac mae’n gwneud  imi deimlo fy mod yn cael fy ngwerthfawrogi. Gobeithio y bydd yn gwneud i’r beirniaid wenu.