Rydym yn cynnal dros 20 o sesiynau ar-lein ar gyfer ein Cynhadledd Flynyddol eleni.
Gallwch weld manylion y sesiynau isod.
Ar ôl ichi benderfynu ar yr un i ymuno â hi, cofrestrwch ar-lein. Gallwch ymuno â chymaint o sesiynau ag y dymunwch, ac maent i gyd am ddim.
Pob sesiyn yn cael ei noddi gan
Ymunwch gyda ni yng nghychwyn swyddogol ein Cynhadledd Flynyddol 2020. Edrychwch ar uchabwyntiau o’r gorffennol a gwrando ar ein Prif Swyddog Gweithredol Zoe Richards yn siarad am beth i’w ddisgwyl eleni.
Fe fydd ein cadeirydd Phil Madden yn ymuno gyda ni a rhai gwesteion arbennig sydd wedi cadeirio ein cynadleddau yn y gorffennol i ddweud wrthych chi beth maen nhw wedi bod yn ei wneud yn ddiweddar.
Dydd Llun 9 Tachwedd
10:00 – 10:45 yb
Mae prosiect Mencap Cymru, Ein Rhwydweithiau Cymdeithasol, a gyllidir gan Gronfa Treftadaeth y Loteri Cenedlaethol, wedi casglu hanes llafar pobl gydag anableddau dysgu o amgylch eu profiadau personol o gyfeillgarwch a pherthnasoedd personol. Fe fydd y sesiwn yma yn edrych ar y prif themâu sydd wedi ymddangos o’r straeon yma a chreu trafodaeth am y newidiadau sydd eu hangen i roi gwell cefnogaeth i bobl gael mynediad i gyfeillgarwch a pherthnasoedd.
Dydd Llun 9 Tachwedd
11:00 – 12:00 yb
Mae’r sesiwn yma yn trafod beth mae Llywodraeth Cymru yn ei wneud i helpu pobl sydd yn unig ac sydd yn ei chael yn anodd i gyfarfod pobl.
Ym mis Chwefror 2020, cyhoeddodd Llywodraeth Cymru ei gynllun cyntaf erioed i helpu pobl sydd yn unig ac sydd yn ei chael yn anodd i gyfarfod pobl eraill. Yn y sesiwn yma fe fyddwn yn egluro’r effaith y gall teimlo’n unig a pheidio â chyfarfod pobl eraill gael ar ein cyrff a’n meddyliau a pham ei bod yn bwysig ein bod yn gwneud rhywbeth am hyn.
Fe fyddwn yn nodi ein cynllun ar gyfer sut y gallwn helpu i atal y pethau yma rhag digwydd neu helpu pobl pan maen nhw’n digwydd, Hoffem glywed am eich profiadau chi hefyd a beth sydd wedi eich helpu chi.
Dydd Llun 9 Tachwedd
2:00 – 3:00 yp
Ymunwch gyda’r grŵp a thrafod materion y byd gyda choffi a chwerthin.
Mae Brew-it yn fore coffi cymunedol yn Sir y Fflint. Cafodd ei sefydlu cyn y cyfnod clo ac mae wedi parhau. Mae’n cael ei redeg gan aelodau Do It Sir y Fflint. Fe fydd aelodau Brew-it yn dweud wrthych chi sut mae’r grŵp yn gweithio, yn cynnal gweithgaredd ac yn ateb eich cwestiynau.
Dydd Mawrth 10 Tachwedd 2020
10:00 – 10:45 yb
Nam ar y synhwyrau ydy pan mae rhywun yn methu gweld neu glywed yn dda, efallai eu bod yn ddall neu yn fyddar, neu’r ddau. Fe fydd y sesiwn yma yn edrych ar sut y gall pobl gyda nam ar y synhwyrau deimlo’n ynysig a’r rhwystrau maen nhw’n eu wynebu.
Ymunwch yn y sesiwn yma i ddarganfod rhagor, ffyrdd o oresgyn hyn a sut y gall pobl gyda nam ar y synhwyrau gael eu cynnwys yn gymdeithasol mewn cymdeithas a goresgyn eu teimlad o unigrwydd.
Hwylusir gan Centre of Sign, Sight Sound
Dydd Mawrth 10 Tachwedd
11:00 yb – 12:00 yb
Fe fydd y sesiwn yma yn dangos ffilm i chi a gafodd ei gwneud gan grŵp o bobl gydag anabledd dysgu yng ngogledd Cymru. Mae’n amlygu beth sydd yn cyfrif i bobl, mae’n codi proffiliau pobl gydag anabledd dysgu, mae’n canolbwyntio ar y gwerthoedd a’r ymddygiad mae pobl yn eu disgwyl gan y bobl sydd yn eu cefnogi. Daeth pobl gydag anabledd dysgu at ei gilydd i gynllunio’r prosiect , ysgrifennu’r sgript a chynhyrchur canlyniad terfynol. Mae’r gwneuthurwyr ffilm oedd yn rhan o’r prosiect yma wedi cyfarfod pobl newydd, dysgu sgiliau newydd a throsglwyddadwy, defnyddio amrediad o gyfryngau creadigol.
Fe fydd gwneuthurwyr y ffilm yn siarad am wneud y ffilm a sut mae cymryd rhan wedi eu helpu i gyfarfod pobl newydd, gwneud ffrindiau a chynyddu eu hyder. Cyflwynir gan
Dydd Mawrth 10 Tachwedd 2020
2:00 – 3:00 yp
Y sesiyn hwn yn cael ei noddi ychwaganol gan First Choice Housing Association.
Mae Engage to Change yn gweithio ar draws Cymru i gefnogi pobl ifanc 16-25 oed sydd ag anhawster dysgu, anabledd dysgu ac/neu awtistiaeth i gyrraedd eu nodau mewn bywyd. Mae’r prosiect yn cefnogi pobl ifanc i ddatblygu eu sgiliau a’u helpu nhw i gael gwaith cyflogedig. Rydyn ni’n cynnig hyfforddiant swyddi, lleoliadau gwaith ac interniaethau gyda chefnogaeth. Yn y sesiwn yma fe fydd pobl ifanc sydd wedi cynryd rhan yn y prosiect yn rhannu eu profiadau. Fe fyddwn yn siarad am sut mae’r prosiect wedi eu helpu o ran eu hyder a’u sgiliau cymdeithasol a sut mae hyn wedi helpu i leihau unigrwydd a theimlo’n ynysig.
Dydd Mercher 11 Tachwedd
10:00 – 10:45 yb
Y sesiyn hwn yn cael ei noddi ychwaganol gan First Choice Housing Association.
Beth ydy cyfeillgarwch? Yn y gweithdy hygyrch a rhyngweithiol yma fe fyddwn yn edrych ar beth mae’n feddwl inni gael ffrindiau, pam bod cael ffrindiau mor bwysig wrth helpu i leihau unigrwydd a theimlo’n ynysig, ac yn edrych ar wahanol fathau o gyfeillgarch. Fe fyddwn ni’n gwneud hyn drwy gemau rhyngweithiol, tra’n rhoi darlun i chi o sut mae Ffrindiau Gigiau yn gweithio i greu a chefnogi cyfeillgarwch.
Dydd Mercher 11 Tachwedd 2020
2:00 – 3:00 pm
Y sesiyn hwn yn cael ei noddi ychwaganol gan Mirus.
Fe fydd y sesiwn hon yn dangos i chi sut mae Mirus wedi bod yn rhedeg grwpiau cymdeithasol yn y gorffennnol, sut maen nhw’n edrych nawr a sut y gallen nhw edrych yn y dyfodol.
Ymunwch gyda’r sesiwn yma i weld ffilm fer, ymunwch mewn gweithgareddau i gael syniadau am sut y gallwch wneud pethau newydd neu wahanol.
Cyflwynir y sesiwn gan Rose Waddicor, Cydgysylltydd Gwirfoddol Mirus, ac aelod o grwpiau ‘Get Social’ Caerdydd
Sesiwn yn llawn
Y sesiyn hwn yn cael ei noddi ychwaganol gan First Choice Housing Association.
Mae teimo’n ynysig ac unigrwydd yn themâu allweddol ym mholisi Cymru. Mae deddfwriaeth yn siarad llawer am bobl gydag anabledddau dysgu yn bod yn rhan o’u cymunedau lleol ac yn byw fel dinasyddion gweithgar. Ond dydy hynny ddim yn digwydd. Pam? Beth mae angen inni ei wneud i droi’r dyhead yma yn realiti i bobl gydag anableddau dysgu yng Nghymru?
Fe fydd Bob Rhodes a Joe Powell yn edrych, drwy lens dulliau gweithredu yn seiliedig ar asedau, ar y ffyrdd y gellir cynorthwyo pobl gydag anableddau dysgu drwy drefniadau gwasanaeth/cefnogaeth gyda phwrpas i chwarae rhan real yn eu cymunedau lleol a’r effaith fyddai hyn yn ei gael ar leihau teimlo’n ynysig ac unigrwydd.
Hwyluso gan Joe Powell a Bob Rhodes
Dydd Iau 12 Tachwedd 2020
11:00 yb – 12:15 yp
Rhaglen ffitrwydd ydy Rockbox i bob gallu sydd yn defnyddio ffyn curo drymiau (llwyau neu ‘chopsticks’!) gyda symudiadau paffio a ffitrwydd i gerddoriaeth roc. Cydiwch yn eich ffyn curo drymiau, llwyau neu ‘chopsticks’ wrth inni ryddhau rhai symudiadau i gerddoriaeth roc! Dosbarth ydy Rockbox lle rydyn ni’n defnyddio symudiadau paffio, ffyn curo drymiau ac ymarfer i gerddoriaeth roc. Mae dewisiadau i bawb felly ymunwch gyda ni a chael hwyl! Gwnewch yn siŵr bod gennych ddŵr i’w yfed!
Ar ôl y sesiwn hwyliog yma gallwch ofyn cwestiynau inni.
Dydd Iau 12 Tachwedd 2020
2:00 – 3:00 yp
Y sesiyn hwn yn cael ei noddi ychwaganol gan First Choice Housing Association.
Grŵp hunaneiriolaeth ydy Voice-it a sefydlwyd ac sydd yn cael ei redeg gan Grŵp Cyfranogi Gogledd Cymru, ac mae’n cael ei gynnal gan Do It Sir y Fflint a Tape Music and Film.
Ymunwch yn y sesiwn yma i glywed rhagor am Voice-it, sut maen nhw wedi bod yn ymuno ar-lein i wella bywydau i bawb. Fe fydd aelodau’r Grŵp Cyfranogi yn dweud wrthych chi sut mae’n gweithio, yn cynnal gweithgaredd ac yn ateb eich cwestiynau.
Dydd Gwenner 13 Tachwedd 2020
10:00 – 11:00 yb
Ymunwch yn y sesiwn yma os ydych yn yr ysgol neu’r coleg ac yn ansicr ynghylch beth rydych chi eisiau ei wneud yn y dyfodol. Fe fydd Gyrfaoedd Cymru yn eich helpu i ddechrau meddwl am eich dewisiadau, dysgu mwy amdanoch eich hun a gwneud y dewisiadau cywir ar gyfer eich dyfodol. Mae cael cam nesaf positif yn ffordd wych o ddelio gyda’r teimlad o fod yn ynysig y mae pobl yn gallu ei gael wrth adael addysg, eich helpu chi i adeiladu hyder, cadw mewn cysylltiad a gwneud ffrindiau newydd!
Dydd Gwenner 13 Tachwedd 2020
2:00 – 2:45 yp
Mae’r sesiwn yma yn rhoi ciplog ar fywydau dau unigolyn sydd yn byw Bywydau Cysylltiedig. Maen nhw’n rhannu eu straeon ysbrydoledig ac yn esbonio uchafbwyntiau ac iselbwyntiau eu taith i annibyniaeth.
Mae Bywydau Cysylltiedig yn rhoi cyfle unigryw i unigolion brofi annibyniaeth yn niogelwch cartref teuluol. Gall adeladu sylfeini i bobl sydd â’r nod o gael bywyd annibynnol yn y dyfodol. Mae Bywydau Cysylltiedig yn cynnig Egwyl Byr, cefnogaeth tymor hirach a hir dymor.
Dydd Llun 16 Tachwedd 2020
10:00 – 11:00 yb
Fe fydd y sesiwn yma yn dangos straeon fideo i chi ac fe fyddwch yn cael clywed oddi wrth bobl sydd yn cael cefnogaeth gan Drive am sut maen nhw wedi bod yn cadw’n brysur yn ystod y cyfnod clo drwy ddefnyddio gweithgareddau ar-lein.
Fe fydd y sesiwn hwyliog yma yn cynnwys rhai aelodau o’r côr yn canu ac yn arwyddo i un o ganeuon ein côr. Fe fyddwn yn ei berfformio i ddechrau i ddangos yr arwyddo i chi a beth i’w ddisgwyl. Yna fe fyddwn ni yn eich gwahodd i gymryd rhan.
Dydd Llun 16 Tachwedd 2020
2:00 – 3:00 yp
Ymunwch yn y sesiwn yma os ydych chi wedi gorffen ysgol neu goleg ac yn meddwl beth i’w wneud nesaf. Neu ydy eich gwaith wedi cael ei effeithio gan Covid-19? Mae’r amseroedd anodd yma yn gallu gwneud i bobl deimlo’n ynysig ac yn isel o ran hyder felly os ydych chi angen help i gael profiad gwaith, dysgu pellach, swyddi neu hyfforddiant, Cymru’n Gwiethio ydy’r lle i ddechrau ar eich taith! Fe fyddwn ni’n dweud rhagor wrthych chi am ein gwasanaethau a rhoi rhai cynghorion i chi ar roi cychwyn arni a fydd yn eich helpu i gymryd camau positif ar gyfer eich dyfodol a’ch ailgysylltu gyda’ch cymuned.
Dydd Mawrth 17 Tachwedd 2020
10:00 – 10:45 yb
Cwrs ar-lein ydy Circle-it i helpu pobl i adeiladu grŵp cryf o ffrindiau a chysylltiadau ac mae’n cael ei redeg gan aelodau Do It Sir y Fflint fel rhan o’r prosiect I-Team.
Ymunwch yn y sesiwn yma i glywed rhagor am Circle-it, sut mae’n gweithio a sut mae’n helpu pobl i gyfarfod pobl newydd a chefnogi cyfeillgarwch. Fe fydd aelodau’r prosiect I–Team yn dweud wrthych chi sut mae’n gweithio, cynnal gweithgaredd ac ateb eich cwestiynau.
Dydd Mawrth 17 Tachwedd 2020
11:00 – 11:45 yb
Mae hunaneiriolaeth wedi newid cryn dipyn yn ystod y cyfnod clo ac mae nifer o bobl wedi cael eu heithrio yn ddigidol.
Yn y sesiwn yma fe fyddwn yn dilyn i fyny ar daith pobl i fod yn hunaneiriolwyr digidol. Mae hunaneiriolaeth wedi dod yn llawer mwy gwleidyddol wrth inni gael gwell mynediad i siarad gyda rhagor o bobl a chymryd rhan mewn pwyllgorau integredig.
Fe fyddwch yn gweld rhai ffilmiau gan aelodau Cyngor ac Eiriolaeth Gogledd Cymru ac yn trafod sut i oresgyn teimlo’n ynysig yn y Normal Newydd fel hunaneiriolydd.
Dydd Mawrth 17 Tachwedd 2020
2:00 – 3:00 yp
Yn y sesiwn ddrama yma fel fyddwch yn cael gweld rhai actorion yn perfformio drama fer am unigrwydd a theimlo’n ynysig. Yna fe fyddwch yn cael cyfle i awgrymu newidiadau i’r ddrama fel bod y cymeriadau yn gwneud pethau i deimlo’n llai unig ac ynysig. Os ydych chi wedi bod i un on cynadleddau o’r blaen fe fyddwch yn gwybod sut mae hyn yn gweithio a chymaint o hwyl ydy hyn. Fe fyddwch chi hefyd yn cael cyfle i fod mewn ffilm sydd yn cael ei gwneud os ydych chi eisiau?
Mae’r sesiwn yma yn cael ei rhedeg gan Theatr Hijinx
Dydd Mercher 18 Tachwedd 2020
10:00 – 11:00 yb
Fe fydd y sesiwn hwyliog a rhyngweithiol yma yn edrych ar beth mae unigrwydd a theimlo’n ynysig yn ei feddwl i bobl ifanc sydd yn defnyddio cadair olwyn neu sydd â symudedd cyfyngedig.
Fe fyddwn ni’n edrych ar bwysigrwydd cynnwys pobl o bob gallu, sut mae’r prosiect wedi helpu pobl ifanc i deimlo’n llai unig ac ynysig a sut mae’r cyfnod clo yn effeithio ar bobl.
Dydd Mercher 18 Tachwedd 2020
2:00 – 2:45 yp
Prentisiaethau ydy pan rydych chi’n gweithio ac yn dysgu yr un pryd, rydych chi’n gwneud gwaith, yn ennill arian ac yn cael cymhwyster. Mae unrhyw un dros 16 oed yn gallu cael prentisiaeth. Fel pob math o swyddi mae prentisiaeth hefyd yn gallu rhoi cyfle i chi gyfarfod pobl newydd a bod yn llai ynysig. Oherwydd y cyfnod clo mae llawer o waith a dysgu yn digwydd ar-lein nawr, ac mae hyn yn gallu gwneud i lawer o bobl deimlo’n ynysig.
Yn y sesiwn ryngweithiol yma fe fyddwch yn dysgu pa gefnogaeth sydd ar gael i ddysgwyr prentisiaeth gydag anghenion dysgu ychwanegol gyda dysgu a llesiant ar-lein. Fe fyddwch yn cael cyfle i ofyn cwestiynau am ddod yn brentis a dysgu sgiliau newydd.
Hwyluso gan Ffederasiwn Hyfforddiant Cenedlaethol Cymru
Dydd Iau 19 Tachwedd 2020
10:00 – 10:45 yb
Y sesiyn hwn yn cael ei noddi ychwaganol gan Ffederasiwn Hyfforddiant Cenedlaethol Cymru
Mae SWS (Safonau Gwasanaethau Wrecsam) yn grŵp o wirfoddolwyr sydd, neu sydd wedi derbyn cefnogaeth. Dydy’r grŵp ddim yn disgwyl i gefnogaeth gamu i mewn ond yn hytrach maen nhw ‘Yn ei Wneud eu Hunain!’ Maen nhw wedi sefydlu gweithgareddau sydd yn canoli ar y person fel y Ganolfan Gyfeillgarwch, Blwch Celf, Straeon o’r Cyfnod Clo, Lleoedd Diogel a Charu Wrecsam.
Mae’r holl grwpiau yma yn ymateb i anghenion y grŵp ac yn cysylltu gyda’r gymuned leol ac felly mae cyfeillgarwch wedi datblygu – cyfeillgarwch sydd ddim yn dibynnu ar daliadau, gwiriadau DBS nac anableddau.
Ymunwch yn y sesiwn i weld sut mae SWS yn gweithio a gofyn cwestiynau am sut y gallwch gymryd rhan a sut y gallwch chi wneud rhywbeth tebyg.
Dydd Iau 19 Tachwedd 2020
2:00 – 3:00 yp
Dysgu cyfunol ydy pan rydych chi’n gwneud rhywfaint o ddysgu wyneb yn wyneb a rhywfaint o ddysgu ar-lein. Mae hyn wedi dod yn bwysig iawn tra mae’n rhaid inni gadw pellter cymdeithasol.
Fe fydd y sesiwn yma yn edrych ar pam mae dysgu cyfunol mor bwysig a sut i baratoi myfyrwyr ar gyfer dysgu cyfunol.
Fe fyddwn yn dangos rhai ffyrdd o helpu myfyrwyr gydag anghenion dysgu ychwanegol (ADY) sydd yn dysgu yn ynysig. Fe fyddwch yn clywed oddi wrth Saul Webbe, sydd yn awtistig, am ei daith i ddod yn animeiddiwr. Fe fydd yn dangos ei waith ac yn siarad am sut mae’n datblygu ei sgiliau animeiddio gyda’i diwtor Gennie Rose.
Hwyluso gan Ffederasiwn Hyfforddiant Cenedlaethol Cymru a Gennie Rose.
Dydd Gwenner 20 Tachwedd 2020
10:00 – 11:00 yb
Y sesiyn hwn yn cael ei noddi ychwaganol gan Ffederasiwn Hyfforddiant Cenedlaethol Cymru
>
